Thursday, January 3, 2008

slam mésaz

ca comancé par n mésaz,
ki adouci zot kuma n masaz,
mek invite fam laplaz,
apré lom là amén fam dan so baz,
zot rentr dan n touff féyaz,
nissa monté à haute voltaz,
zot fair sovaz,


zot décid pu tourn paz,
zot pense maryaz,
lom amén fam lakaz,
au début zot bien saz,
pu fair la noce nu dir zot bon voyaz,

mé apré kumans énà dérapaz,
mové kafouyaz,
zot fair tapaz,
pli for ki loraz,
lom in arét fair lizaz,
lom gagne buku laraz,
fam p bizin al dormi dan garaz,

dan la cuisine péna gaz,
zot in arét acheté fromaz,
p bizin manz tou gonaz,

zordi sms p fair buku ravaz,
sms cré problem dan ménaz,
p encaisse clak lor visaz,
fam subir tou kalité abataz,
fam p bizin mét bandaz,

ekut smsShocker so mésaz,
to bizin fair adultér so sabotaz,
to lavi pou pli dréssaz,
hé p grandi p gagn laz,
arét fair vagabondaz,
pa pran lavi pou n badinaz,
arét traite to partenaire kuma lépok esclavaz,
arét fair violence so lélvaz,

arét servi portab just pou avoy mésaz,
arét fair gaspiyaz,
avk portab zot bizin fair n bon usaz,

fair toi gagn n zoli imaz,
li pou profitab pou to lignaz,

si to retrouv toi dan n engrénaz,
smsShocker làmém pou fair to cervo so lavaz.!

2 comments:

Yashvin said...

franc tout, trop bon sa taaaa!


:D

~Joyshan~ said...

toppo net!

hitin`em